Close
 
 
 

درست طریقہ سے حساب کتاب اور ریکارڈ رکھنا

 
 

درست طریقہ سے حساب کتاب اور ریکارڈ رکھنا

مالیاتی اور غیر مالیاتی معلومات کی دیانت دارانہ، درست اور معروضی ریکارڈنگ اور رپورٹنگ گروپ کی ساکھ، اس کی قانونی، ٹیکس سے متعلق، آڈٹ سے متعلق اور ریگولیٹری ذمہ داریوں کو پورا کرنے کے تئیں اس کی صلاحیت، اور گروپ کمپنیوں کے ذریعہ کاروباری فیصلوں اور کارروائیوں میں تعاون کرنے کے لیے ناگزیر ہے۔

 

درست معلومات اور ڈیٹا

وہ سبھی ڈیٹا جو ہم تیار کرتے ہیں خواہ وہ مالیاتی ہوں یا غیر مالیاتی، لین دین اور احاطہ کیے گئے واقعات کو درست طریقہ سے ضرور ظاہر کریں۔

ہمارے لیے مالیاتی اور دیگر کاروباری معلومات کی رپورٹنگ کے لیے قابل اطلاق قوانین، خارجی اکاؤنٹنگ کی شرائط اور گروپ کے طریقۂ کار کی تعمیل کرنا ضروری ہے۔

اس کا اطلاق اس بات پر ہوتا ہے کہ آیا ڈیٹا کاغذ کی شکل میں ہے یا الیکٹرانک شکل میں یا کسی دیگر شکل میں۔

درست ریکارڈ رکھنے میں ناکامی گروپ کی پالیسی کے خلاف ہے اور یہ غیر قانونی بھی ہو سکتا ہے۔

ریکارڈوں کی جعل سازی یا حقائق کی غلط بیانی کا کبھی بھی کوئی جواز نہیں رہا ہے۔

اس طرح کے طرز عمل دھوکہ دہی کے زمرہ میں آتے ہیں اور دیوانی یا مجرمانہ کارروائیوں کا سبب بنتے ہیں۔

 

ریکارڈوں کا نظم و نسق

گروپ کمپنیوں کے لیے وہ ریکارڈز مینجمنٹ پالیسیاں اور طریقۂ کار اختیار کرنے ضروری ہیں جو گروپ ریکارڈز مینجمنٹ پروسیجر کی عکاسی کرتے ہوں۔ ہمارے لیے اپنے تمام اہم کاروباری ریکارڈز کا نظم و نسق ان پالیسیوں اور طریقۂ کار کے مطابق کرنا ضروری ہے، اور یہ بھی ضروری ہے کہ ہم کمپنی کے ریکارڈز میں کبھی ترمیم نہ کریں یا انہیں کبھی ضائع نہ کریں سوائے اس کے کہ ایسا کرنے کی اجازت دی گئی ہو۔

ہم سب کو ریکارڈز کے نظم و نسق کی پالیسی اور ان کارروائیوں سے روشناش ہونا چاہیے جو ہم پر لاگو ہوتے ہیں۔

 

لین دین کے کاغذات تیار کرنا

تمام لین دین اور معاہدوں کا سبھی سطحوں پر مناسب طریقہ سے، واضح طور پر اور مکمل طریقہ سے منظور کیا جانا اور ریکارڈ کیا جانا ضروری ہے۔

گروپ کمپنیوں کے ذریعہ کیے گئے تمام معاہدوں کے لیے ضروری ہے کہ ان کے لیے تحریری شکل میں ثبوت فراہم کیے جائیں، خواہ وہ کسی دیگر گروپ کمپنی کے ساتھ ہوں یا کسی تھرڈ پارٹی کے ساتھ۔

اگر ہم کسی گروپ کمپنی کی طرف سے کوئی معاہدہ تیار کرنے، اس کے بارے میں بات کرنے یا اسے منظوری دینے کے لیے ذمہ دار ہیں تو ہمارے لیے یہ یقینی بنانا ضروری ہے کہ اسے معاہدوں سے متعلق منظوری کی پالیسی اور طریقۂ کار کے مطابق منظور کیا جائے، اس پر دستخط کیے جائیں اور اسے ریکارڈ کیا جائے۔

کسی گروپ کمپنی کی مصنوعات کی فروخت کے ضمن میں، خواہ وہ اندرون ملک یا برآمد کے لیے ہوں، اس کے ذریعہ تیار کردہ تمام دستاویزات کے لیے ضروری ہے کہ وہ درست اور مکمل ہوں اور وہ لین دین کی صحیح جانکاری فراہم کرتی ہوں۔

تمام دستاویزات کے لیے ضروری ہے کہ وہ )متعلقہ خط و کتابت کے ساتھ( جہاں ٹیکس، کسٹمز یا دیگر حکام کے ذریعہ ممکنہ معائنہ کے لیے مطلوب ہوں، وہاں گروپ ریکارڈز مینجمنٹ پروسیجر اور کسی بھی قابل اطلاق مقامی قوانین کے مطابق رکھی جائیں۔

 

خارجی آڈیٹرز کے ساتھ تعاون کرنا

ہمارے لیے گروپ کے خارجی اور داخلی آڈیٹرز کے ساتھ پوری طرح تعاون کرنا اور یہ یقینی بنانا ضروری ہے کہ ان کے ذریعہ رکھی گئی وہ تمام معلومات جو کسی گروپ کمپنی کے آڈٹ سے متعلق ہوں )آڈٹ سے متعلق معلومات( اس کمپنی کے خارجی آڈیٹرز کو فراہم کی جائیں۔

خارجی آڈیٹرز کے ساتھ پوری طرح تعاون کرنے کے تئیں ہماری ذمہ داری قانونی بندشوں کے ساتھ مشروط ہے، مثال کے طور پر، قانونی لحاظ سے مستثنی کی ہوئی دستاویزات کے معاملہ میں۔

بصورت دیگر، ہمیں خارجی آڈیٹرز کی طرف سے کسی بھی درخواست کا فوری جواب دینا چاہیے اور انہیں متعلقہ عملہ اور دستاویزات تک مکمل اور بلا روک ٹوک رسائی کی اجازت دینی چاہیے۔

ہمیں کسی بھی حالت میں خارجی یا داخلی آڈیٹرز کو ایسی معلومات نہیں فراہم کرنی چاہیے جسے ہم جانتے ہیں )یا معقول طور پر ہمیں جاننا چاہیے( کہ گمراہ کن، غیرمکمل یا غیر درست ہے۔

 

حساب کتاب کے معیاروں کی تعمیل کرنا

مالی ڈیٹا )جیسے بہی کھاتے، ریکارڈز اور کھاتوں( کے لیے ضروری ہے کہ وہ مقبول عام اکاؤنٹنگ کے اصولوں اور گروپ کی اکاؤنٹنگ اور رپورٹنگ سے متعلقہ پالیسیوں اور طریقۂ کار دونوں سے مطابقت رکھتا ہو۔

گروپ کمپنیوں کے مالی ڈیٹا کے لیے ضروری ہے کہ وہ مقبول عام اکاؤنٹنگ کے ان اصولوں کے مطابق رکھا جائے جو ان کی سکونت کے ملک میں لاگو ہوتے ہیں۔

گروپ رپورٹنگ کے لیے، ضروری ہے کہ ڈیٹا گروپ کی اکاؤنٹنگ کی پالیسیوں ) IFRS ( اور کارروائیوں کے مطابق ہو۔

 

وہ سبھی ڈیٹا جو ہم تیار کرتے ہیں خواہ وہ مالیاتی ہوں یا غیر مالیاتی، لین دین اور احاطہ کیے گئے واقعات کو درست طریقہ سے ضرور ظاہر کریں۔

 

کس سے بات کریں

  • اپنے لائن مینیجر سے
  • اعلی انتظامیہ سے
  • اپنے مقامی LEX کونسل سے
  • ہیڈ آف کمپلائنس: sobc@bat.com