Close
 
 
 

مفادات کا ٹکراؤ

 
 

مفادات کا ٹکراؤ

اگر ہمارے ساتھ ایسے ذاتی حالات پیش آتے ہیں جہاں ٹکراؤ پیدا ہو سکتا ہے تو ہمارے لیے ضروری ہے کہ ہم اپنے کاروباری سودوں میں مفادات کے ٹکراؤ سے بچیں اور شفاف رہیں۔ ہمارے کاروبار کو ایمانداری کے ساتھ انجام دینے کے لیے، مفادات کے ٹکراؤ کا مؤثر طریقہ سے بندوبست کیا جانا ضروری ہے۔

 

ہماری کمپنی کے بہترین مفادات کے لیے کام کرنا

ہمارے لیے ضروری ہے کہ ہم ایسے حالات سے بچیں جہاں ہمارے ذاتی مفادات گروپ یا کسی گروپ کمپنی کے مفادات سے متصادم ہو سکتے ہیں، یا متصادم لگ سکتے ہیں۔

ہت سی صورتحال اور رشتہ داریوں میں مفادات کے ٹکراؤ کو جنم دینے کی صلاحیت ہوتی ہے۔ مفادات کے ٹکراؤ کی سب سے عام قسمیں اگلے صفحہ پر بیان کی گئی ہیں۔

عمومی بات کریں تو مفادات کا ٹکراؤ وہ حالت ہے جس میں گروپ کے اندر ہماری پوزیشن یا ذمہ داریاں ہمارے لیے یا ہمارے کسی قریبی شخص کے لیے ذاتی فائدہ؛ یا منافع )ملازمت کی عام نوازشات کے علاوہ( حاصل کرنے کا موقع فراہم کرتی ہیں؛ یا جہاں ہمارے لیے، گروپ کے تئیں ہمارے فرائض اور ذمہ داریوں سے بڑھ کر، اپنے ذاتی مفادات، یا ہمارے قریبی لوگوں کے مفادات کو ترجیح دینے کی گنجائش پائی جاتی ہے۔

 

مفادات کے ٹکراؤ کا انکشاف کرنا

پہلی بار BAT سے جڑتے وقت یا جوں ہی کوئی ٹکراؤ وجود میں آتا ہے اس وقت آپ کے لیے SoBC پورٹل  . میں ٹکراؤ کا انکشاف کرنا ضروری ہے۔ اگر آپ کو SoBC پورٹل تک رسائی حاصل نہیں ہے تو آپ کو اپنے لائن مینیجر سے اس صورتحال کا انکشاف کرنا چاہیے۔

اگر کوئی صورتحال دیگر لوگوں کے خیال کے مطابق مفادات کے ٹکراؤ کا سبب بنتی ہے لیکن آپ کو نہیں لگتا ہے کہ درحقیقت کوئی مفادات کا ٹکراؤ پایا جاتا ہے تو آپ کو اس کا انکشاف ہر حال میں کرنا چاہیے۔ مفادات کے ٹکراؤ کا ظہور تشویشات کو جنم دے سکتا ہے حتی کہ وہاں بھی جہاں ٹکراؤ سرے سے موجود ہی نہ ہو۔ جب آپ تذبذب میں مبتلا ہوں تو آپ کو انکشاف کے محفوظ پہلو کو اپنانا چاہیے، تاکہ اعلی انتظامیہ کو حسب ضرورت صورتحال سے آگاہ کیا جا سکے۔

انکشاف کے بعد، آپ کے لائن مینیجر کو اس چیز کی تشخیص کرنے کے لیے آپ کے ساتھ شامل ہونا چاہیے کہ آیا BAT کے لیے ٹکراؤ سے جڑا ہوا کوئی امکانی خطرہ پایا جاتا ہے اور آیا کسی شناخت کردہ خطرہ پر قابو پانے یا اسے کم کرنے کے لیے کوئی اقدامات کیے جانے کی ضرورت ہو سکتی ہے۔ کچھ معاملوں میں، BAT کے مفادات کے تئیں کوئی خطرہ اتنا بعید ہو سکتا ہے کہ کسی بھی قسم کے اقدام کرنے کی ضرورت ہی نہیں ہوتی ہے۔

تاہم، اگر BAT کے مفادات پر ٹکراؤ کی وجہ سے منفی اثرات مرتب ہوتے ہیں تو شرائط کو لاگو کرانے کی ضرورت ہے۔ اس میں آپ کے کردار یا رپورٹنگ لائن یا آپ کی مفوضہ ذمہ داریوں میں تبدیلی، یا یہ شرط شامل ہو سکتی ہے کہ آپ کسی خاص صارف، مہیاکنندہ یا BAT کے ملازم کے ساتھ سودا کرنے سے باز رہیں۔

اگر آپ لائن مینیجر ہیں اور آپ اس تعلق سے پر یقین نہیں کہ آیا اعلان شدہ مفادات خطرہ کو کم کرنے کے لیے شرائط کے متقاضی ہیں تو آپ کو پڑھنا چاہیے مفادات کا ٹکراؤ: ہدایت نامہ برائے لائن مینیجرز، اور اگر آپ اب بھی کشمکش کے شکار ہیں تو اعلیٰ انتظامیہ یا اپنے مقامی LEX کونسل سے صلاح لیں۔

گروپ کمپنیوں کے ڈائریکٹرز کے لیے ضروری ہے کہ وہ اس کی اگلی میٹنگ میں کمپنی کے بورڈ کے سامنے ٹکراؤ کا انکشاف کریں، اور اس سے رسمی منظوری حاصل کریں۔

ہمارے لیے ضروری ہے کہ ہم ان کسی بھی قسم کے مفادات کے ٹکراؤ کا جائزہ لیں، اپڈیٹ کریں اور تصدیق کریں جو ہمارے پاس ہو سکتے ہیں۔

 

مفادات کے ٹکراؤ کو ریکارڈ کرنا

مینیجرز کو یقینی بنانا چاہیے کہ کوئی بھی ایسے مفادات کے ٹکراؤ جن کا انکشاف ان کے سامنے کیا گیا ہے ان کا اندراج SoBC پورٹل میں کیا جائے یا، جہاں ملازمین SoBC پورٹل تک رسائی نہیں رکھتے ہیں وہاں، ان کے مقامی LEX کونسل یا کمپنی کے سکریٹری کو مطلع کیا جائے۔

جو نیچے ذیل میں آ رہی ہیں وہ مفادات کے ٹکراؤ کی کچھ سب سے عام قسمیں ہیں۔ تاہم، دیگر صورتحال بھی مفادات کے ٹکراؤ کا سبب بن سکتی ہیں۔ اگر آپ کے پاس اس بارے میں کوئی سوال ہے کہ آیا آپ کی کوئی مخصوص صورتحال مفاد کا ٹکراؤ پیدا کرتی ہے تو برائے مہربانی اپنے لائن مینیجر یا LEX کونسل سے بات کریں۔

 

خاندانی یا ذاتی رشتے

قریبی رشتہ داروں کے ساتھ کام کرنا مفادات کا ٹکراؤ پیدا کر سکتا ہے، خواہ وہ قریبی رشتہ دار بھی گروپ کا ملازم ہو، ہمارے حریفوں یا کاروباری شراکت داران میں سے کسی کے لیے کام کرتا ہو، یا کوئی ایسا سرکاری افسر ہو جو BAT کے کاروبار پر اثر انداز ہو سکتا ہو۔

اگر آپ کا کوئی قریبی رشتہ دار گروپ میں کام کر رہا ہے تو آپ کے لیے اس کا انکشاف کرنا ضروری ہے۔ ان دیگر افراد کے ساتھ والہانہ رشتے جو BAT میں کام کرتے ہیں مفادات کے ٹکراؤ کا سبب بن سکتے ہیں، یا مفادات کے ٹکراؤ کے ظہور کا سبب بن سکتے ہیں۔ اگر آپ ایسی صورتحال میں مبتلا ہیں تو آپ کو رشتہ داری کا انکشاف کرنا چاہیے۔

اپنے کام کے دوران، آپ کو ملازمت میں رکھنے، نگرانی کرنے، ملازمت کی شرائط و ضوابط کو متاثر کرنے یا قریبی رشتہ داروں یا ان لوگوں کے نظم و نسق پر اثر انداز ہونے کا اہل نہیں ہونا چاہیے جن کے ساتھ آپ بہت قریبی رشتے میں ہیں۔ آپ کا لائن مینیجر اس بات کا تعین کرنے کے لیے آپ کے ساتھ مل کر کام کرے گا کہ آپ کی مخصوص صورتحال کے پیش نظر تخفیف سے متعلق کون سے اقدامات کرنے چاہئیں۔

یہ کسی بھی لائن مینیجر اور رپورٹ کے لیے کبھی بھی قابل قبول نہیں ہوگا کہ وہ قریبی رشتہ دار ہو، یا کسی والہانہ رشتہ داری میں ہو۔ آپ کے لیے یہ انکشاف بھی کرنا ضروری ہے کہ آیا آپ کسی ایسے حریف، مہیاکنندہ، صارف یا ایسے دیگر کاروبار سے جس کے ساتھ گروپ اہم کاروباری سودے کرتا ہے قریبی رشتہ میں ہیں، یا آپ کا کوئی قریبی رشتہ دار ہے، جو آپ کی جانکاری کے مطابق، ان کے ساتھ کام کرتا ہے یا ان کے لیے خدمات انجام دیتا ہے، یا ان کے ساتھ مادی مالی مفاد رکھتا ہے۔

اگر آپ کسی صارف یا مہیاکنندہ کے یہاں کسی قریبی رشتہ دار کے ساتھ یا کسی ایسے کاروبار کے ساتھ کاروباری وابستگی رکھتے ہیں جس میں آپ کا قریبی رشتہ دار مادی مالی مفاد رکھتا ہے تو انتظامیہ کو آپ کے کردار یا مفوضہ ذمہ داریوں میں تبدیلیاں کرنے کی ضرورت ہو سکتی ہے۔

آپ کے لیے اس چیز کا بھی انکشاف کرنا ضروری ہے کہ آیا آپ کا کوئی ایسا قریبی رشتہ دار ہے جو سرکاری افسر ہے اور جو کسی ایسے منصب کا حامل ہے جس میں وہ BAT کے کاروبار پر اثر انداز ہو سکتا ہے۔

زیر غور فرد کے لیے ضروری نہیں ہے کہ وہ کوئی اعلی درجہ کا فیصلہ ساز ہو۔ آپ کو انکشاف کرنا چاہیے کہ آیا وہ سرکاری افسر کسی ایسے منصب کا حامل ہے جس میں وہ BAT کے کاروبار پر اثر انداز ہو سکتا ہے )اس سے عموما خارج ہوں گے، مثال کے طور پر، اسکول ٹیچر، جیل کا گارڈ، فائرمین یا ریاست کے ذریعہ ملازمت میں رکھی گئی نرس(۔ اگر آپ اس تعلق سے کسی پس و پیش میں مبتلا ہیں کہ آیا انکشاف ضروری ہے تو برائے مہربانی اپنے مقامی LEX کونسل سے صلاح و مشورہ کریں۔

 

مالیاتی مفادات

آپ کے لیے ضروری ہے کہ آپ خود اپنے اور اپنے گھرانہ میں رہنے والے کسی بھی قریبی رشتہ دار کے لیے انکشاف کریں:
  • کسی حریف کے یہاں سبھی مالیاتی مفادات کا
  • کسی مہیاکنندہ یا صارف کے یہاں کسی مالی مفاد کا، اگر آپ اس مہیاکنندہ یا صارف کے ساتھ گروپ کے سودے میں کوئی شمولیت رکھتے ہیں یا کسی ایسے شخص کی نگرانی کرتے ہیں جو رکھتا ہے

آپ کو عوامی طور پر ٹریڈ کیے گئے میوچوئل فنڈز، انڈیکس فنڈز اور ملتی جلتی مشترک سرمایہ کاریوں کا انکشاف کرنے کی ضرورت نہیں ہے، جس میں آپ کا کوئی دخل نہیں ہے کہ کون سی سرمایہ کاریاں شامل کی گئی ہیں۔

'مادی مالی مفاد' کا مطلب ہے کوئی بھی ایسا مالی مفاد جو آپ کے فیصلہ کو متاثر کر سکتا ہے یا گروپ کمپنیوں کی رائے میں متاثر کرنے والا لگ سکتا ہے۔

آپ کے لیے ضروری ہے کہ آپ کوئی مادی مالیاتی مفادات نہ رکھتے ہوں:

  • کسی مہیاکنندہ یا صارف کے یہاں، اگر آپ اس مہیاکنندہ یا صارف کے ساتھ گروپ کی سودے بازیوں میں کوئی شمولیت رکھتے ہیں یا کسی ایسے شخص کی نگرانی کرتے ہیں جو رکھتا ہے
  • گروپ کے کسی حریف کے یہاں، یا کسی بھی ایسے کاروبار میں جو گروپ کے مفادات کے خلاف سرگرمیاں انجام دیتا ہے

آپ کو کسی حریف کے یہاں مادی مالی مفاد رکھنے کی اجازت دی جا سکتی ہے، بشرطیکہ آپ نے اسے گروپ میں شامل ہونے سے پہلے حاصل کیا ہو، اپنی تقرری سے پہلے اپنی ملازمت میں رکھنے والی کمپنی کے سامنے تحریری شکل میں اس کا انکشاف کیا ہو، اور آپ کی ملازمت میں رکھنے والی کمپنی نے اعتراض نہ کیا ہو۔ کسی گروپ کمپنی کے ڈائریکٹر کے ذریعہ اس طرح کے مفاد کی پیشگی ملکیت کی اطلاع اس کے بورڈ کو دی جانی اور اگلی بورڈ میٹنگ میں اس کی روداد پیش کی جانی ضروری ہے۔

اگر آپ کسی پس و پیش میں مبتلا ہیں تو اپنے مقامی LEX کونسل سے مزید رہنمائی حاصل کریں۔

 

بیرونی ملازمت

آپ کے لیے ضروری ہے کہ پہلے اپنے ارادہ کا انکشاف کیے بغیر اور لائن مینجمنٹ سے تحریری منظوری حاصل کیے بغیر کسی تھرڈ پارٹی کے لیے یا اس کی طرف سے ہرگز کام نہ کریں۔

اگر آپ کل وقتی ملازم ہیں تو ضروری ہے کہ اس طرح کے کام میں بہت زیادہ وقت نہ لگے، یہ کام کے متفقہ گھنٹوں میں نہیں ہونا چاہیے، اور اسے آپ کی کارکردگی پر اثر انداز نہیں ہونا چاہیے یا کسی بھی طرح سے گروپ کمپنی کے تئیں آپ کے فرائض اور ذمہ داری میں مخل نہیں ہونا چاہیے۔

کچھ صورتحال ایسی ہیں جن میں کبھی بھی اجازت نہیں دی جا سکتی ہے۔ مثال کے طور پر، آپ کسی گروپ کمپنی کے کسی حریف کے لیے یا کسی ایسے صارف یا مہیاکنندہ کے لیے کام نہیں کر سکتے جس کے ساتھ آپ اپنے کام کے دوران سودا کرتے ہیں۔

'کسی تھرڈ پارٹی کے لیے یا اس کی طرف سے کام کرنے' کا مطلب ہے دوسری ملازمت اختیار کرنا، ڈائریکٹر یا کنسلٹینٹ کے طور پر خدمات پیش کرنا، یا بصورت دیگر گروپ سے باہر کسی بھی ادارہ کے لیے خدمات انجام دینا )جس میں رفاہی یا غیر منافع خور تنظیمیں بھی شامل ہیں(۔ اس میں وہ بلا معاوضہ رضاکارانہ کام شامل نہیں ہے جو آپ اپنے وقت میں انجام دے سکتے ہیں، جب تک کہ یہ گروپ کے تئیں آپ کے فرائض اور ذمہ داریوں میں مخل نہ ہو۔

 

مفادات کے ٹکراؤ کی دیگر اقسام

اگرچہ یہ مثالیں مفادات کے ٹکراؤ کی سب سے عام قسمیں بیان کرتی ہیں، تاہم ٹکراؤ مختلف قسم کے حالات میں سامنے آسکتے ہیں۔ مثال کے طور پر، ایک ٹکراؤ اس وقت سامنے آسکتا ہے جب گروپ کی طرف سے کسی ایسے ادارہ کے ساتھ کمیونٹی سرمایہ کاریاں )بشمول رفاہی شراکت داریاں( کی جائیں جس سے آپ کے قریبی تعلقات ہیں، یا جب آپ اپنے ذاتی فائدے کے لیے ایسے کاروباری مواقع اختیار کرنا چاہتے ہوں، جس سے آپ BAT کے لیے اپنے کام کے واسطہ سے آگاہ ہوئے ہوں۔

پوچھا جانے والا کلیدی سوال یہ ہے کہ آیا آپ کے یا اس قریبی رشتہ دار کے ذاتی مفادات BAT کے بہترین مفادات میں کام کرنے کے تئیں آپ کے فرض سے متصادم ہو سکتے ہیں۔ اگر BAT کی طرف سے آپ کا فیصلہ یا فیصلہ سازی کا عمل ذاتی مفاد سے متاثر ہو سکتا ہے تو آپ کو چاہیے کہ اس مفاد کا انکشاف کریں۔

 

پہلی بار BAT سے جڑتے وقت یا جوں ہی کوئی ٹکراؤ وجود میں آتا ہے اس وقت آپ کے لیے SoBC پورٹل میں ٹکراؤ کا انکشاف کرنا ضروری ہے۔ اگر آپ کو SoBC پورٹل تک رسائی حاصل نہیں ہے تو آپ کو اپنے لائن مینیجر سے اس صورتحال کا انکشاف کرنا چاہیے

 

کس سے بات کریں

  • اپنے لائن مینیجر سے
  • اعلی انتظامیہ سے
  • اپنے مقامی LEX کونسل سے
  • ہیڈ آف کمپلائنس: sobc@bat.com